અમેરિકા નો દાવો - ઈઝરાયલ પર ઈરાન હમુલો કરી શકે, ભારતે ત્યાં જતા લોકો માટે સૂચના જાહેર કરી

USનો દાવો - ઈઝરાયલ પર ઈરાન હમુલો કરી શકે, ભારતે વિદેશ જતા લોકો માટે એડવાઝરી જાહેર કરી

   India issued advisory:   ઈઝરાયેલ અને પેલેસ્ટાઈન વચ્ચેનું યુદ્ધ હજુ અટક્યું નથી અને એક નવું યુદ્ધ ફાટી નીકળવાની અણી પર છે. આ મહિનાની શરૂઆતમાં ઈઝરાયેલે દમાસ્કસમાં ઈરાનના દૂતાવાસ પર હુમલો કર્યો હતો, જેમાં બે ઈરાની જનરલોના મોત થયા હતા. આ હુમલા બાદ ઈરાને જવાબી કાર્યવાહી કરવાની ધમકી આપી છે, જેના કારણે બંને દેશો વચ્ચે તણાવ વધી ગયો છે.

    ઈરાન પીછેહઠ કરે તેવું લાગતું નથી, ચાલો જાણીએ ઈરાન-ઈઝરાયલ વચ્ચેના વિવાદ અંગે 10 પોઈન્ટમાં....

1) અમેરિકન રાષ્ટ્રપતિ જો બાઈડને પણ કહ્યું છે કે ઈરાન ગમે ત્યારે હુમલો કરશે.  આ જોઈને બાઈડને ઈરાનને ચેતવણી આપી કે ઈઝરાયેલ પર હુમલો ન કરે, કારણ કે અમેરિકા તેની સુરક્ષા માટે ઊભું છે.

2 ) બીજી તરફ ઈરાન દૂતાવાસ પર થયેલા હુમલાને પોતાના પરના હુમલા તરીકે જોઈ રહ્યું છે. આ વખતે ઈરાન લેબનોનમાં હિઝબુલ્લાહને મદદ કરવાને બદલે સીધો ઈઝરાયેલ પર હુમલો કરવાની યોજના બનાવી રહ્યું છે.

3 ) બાઈડનના નિવેદન પહેલા વ્હાઇટ હાઉસના પ્રવક્તા જોન કિર્બીએ પણ ઇઝરાયેલ પર ઇરાની હુમલાનો ભય વ્યક્ત કર્યો હતો. જોકે, આ હુમલો ક્યારે થઈ શકે તે અંગે તેણે કોઈ સમયમર્યાદા આપી ન હતી.

4 ) ઈરાનના હુમલાના ડરને જોતા અન્ય દેશો પણ એક્શન મોડમાં આવી ગયા છે. ભારત, ફ્રાન્સ અને રશિયા સહિત ઘણા દેશોએ તેમના નાગરિકોને આ બંને દેશોની યાત્રા ન કરવાની ચેતવણી આપી છે.

5 ) ભારતીય વિદેશ મંત્રાલયે કહ્યું કે તમામ ભારતીયોને સલાહ આપવામાં આવે છે કે તેઓ આગળની સૂચના ન મળે ત્યાં સુધી ઈરાન કે ઈઝરાયેલની યાત્રા ન કરે.

એડવાઈઝરીમાં કહેવામાં આવ્યું છે કે જે લોકો હાલમાં ઈરાન અથવા ઈઝરાયેલમાં રહે છે તેઓ ત્યાંના ભારતીય દૂતાવાસોનો સંપર્ક કરે અને પોતાનું રજીસ્ટ્રેશન કરાવે.